فاتورة الكهربا بتيجي رقم واحد كبير، ومش بتقولك مين السبب: السخان؟ التكييف؟ موتور المياه؟ عداد استهلاك الكهرباء الذكي بيحل المشكلة دي، لأنه بيوريك الاستهلاك لحظة بلحظة على الموبايل.
العداد الذكي بيعمل إيه؟
بيتركب في لوحة الكهربا، وبيتقفل كلامب حوالين سلك الفاز بتاع الخط اللي عايز تقيسه — من غير قطع أي سلك. بعدها تشوف على تطبيق Smart Life:
- الفولت والأمبير والقدرة بالوات لايف
- الكيلووات ساعة بالساعة واليوم والشهر
- الكهربا الداخلة من الشبكة والخارجة ليها، لو عندك طاقة شمسية
- تنبيه على الموبايل لو الفولت أو التيار عدى حد معين
قناة واحدة ولا قناتين؟
العداد قناة واحدة معاه كلامب واحد، مناسب لو عايز تقيس الخط الرئيسي للشقة أو جهاز واحد تقيل. العداد قناتين معاه 2 كلامب، فتقدر تقارن دايرتين: مثلاً السخان والتكييف، أو الشبكة والطاقة الشمسية.
إزاي توفر بعد ما تعرف؟
- لو لقيت السخان بيصرف كتير، اعمل له مواعيد تشغيل بـقاطع ذكي بدل ما يفضل شغال طول اليوم.
- شغل التكييف بالمواعيد أو مع حساس الحرارة بـالريموت الذكي.
- قارن الاستهلاك قبل وبعد التغيير، وشوف الفرق بالأرقام.
معلومات مهمة
- العداد بيقيس بس، وما بيفصلش ولا بيوصل الكهربا.
- للكهربا السنجل فاز، ولحد 80 أمبير لكل كلامب.
- الكلامب يتركب على سلك الفاز فقط، والتركيب في اللوحة لازم يكون بواسطة كهربائي.
محتار تختار أنهي عداد؟ ابعتلنا صورة لوحة الكهربا على واتساب ونقولك.